Брендтелген ұшақ және SkyBoss жаңа сервисі

VIETJET QAZAQSTAN әуе компаниясы брендтелген әуе кемесі мен экипаждың жаңа формасын ұсынып, жолаушыларға арналған SkyBoss сервисін жариялады.

Астанада өткен шарада VIETJET QAZAQSTAN компаниясының басқарма төрағасы Әділбек Өмірәлиев сервис 2026 жылдың екінші тоқсанында іске қосылатынын хабарлады.

SkyBoss жүйесінде әуе кемесіндегі алдыңғы қатарлы жайлы орындар, борттағы тамақтану, әуежайлардағы лаунж аймақтарына кіру, ыңғайлы брондау шарттары және кеңейтілген багаж қызметтері қарастырылған.

Анықтама: 2025 жылғы 6 мамырда QAZAQ AIR әуе компаниясының акцияларын стратегиялық инвесторға беру процесі аяқталды. QAZAQ AIR мен Вьетнамның Vietjet Air әуе компаниясы серіктестік орнатып, VIETJET QAZAQSTAN жобасын іске қосу туралы мәлімдеді.